Ndërkohë që Shtetet e Bashkuara të Amerikës, janë në një prej krizave më të mëdha ekonomike, që prej Depresionit të Madh, Jeff Bezos, themeluesi 56-vjeçar i Amazon, fitoi $13 miliardë për pak minuta këtë të hënë, shuma më e madhe që është fituar ndonjëherë në kaq pak kohë, duke e çuar shumën e pasurisë së tij – $129.5 miliardë. Kjo ndodhi pasi aksionet e Amazon u ngritën me 11%.
Sipas Quora-s, Jeff Bezos fiton përafërsisht $275 milionë në ditë, $11.5 milionë për orë, pra $3.182 për çdo sekondë. Deri në 2026-ën (ose më shpejt), Jeff Bezos do të jetë me siguri trilioneri i parë në botë.
Amazon, u krijua në një garazh të shtëpisë me qera të Bezos në Washington. Prindërit e tij investuan rreth $250.000 në atë që dikur, ishte vetëm një start-up. Në korrik të 1995-ës, kompania nisi të funskiononte si një dyqan online librash. Në dy muajt e parë, Amazon shiti në 50 shtete të ndryshme dhe gjatë kësaj kohe fitimet ishin rreth $20.000 në javë.
Jeff Bezos përzgjodhi emrin “Amazon”, duke kërkuar për emra në fjalor. Ai zgjodhi pikërisht këtë, pasi ishte një emër “ekzotik dhe ndryshe”, ashtu si vizioni i tij për ndërmarrjen. Bezos pa se lumi Amazon, ishte lumi më i madh në botë dhe vendosi të krijojë dyqanin më të madh të shitjes së librave në botë. Gjithashtu, një emër me shkronjën “A” është më i preferuar, pasi do të jetë gjithmonë në fillimin e një liste të alfabetizuar.
Ish-gruaja e tij, Mackenzie Bezos, fitoi $4.6 miliardë dhe tani është personi i 13 më i pasur në botë. Edhe njerëz të tjerë të teknologjisë, janë duke shijuar një rritje të fitimeve, të drejtuar pjesërisht nga njerëzit e detyruar të qëndrojnë në shtëpi. Themeluesi i Facebook, Mark Zuckerberg, ka shtuar gati $15 miliardë dollarë në vlerën e tij neto për këtë vit, deri më tani.
Burimi: Bloomberg Business, Quora, Unilad
