Jessica Biel dhe Justin Timberlake raportohet se janë bërë prindër për herë të dytë dhe e kanë mbajtur shtatzëninë sekret gjatë muajve të karantinës.
Biel dhe Timberlake janë karantinuar me djalin e tyre pesë vjeçar Silas në Montana, SHBA, ku mendohet se Jessica solli në jetë fëmijën e dytë, sipas Daily Mail (via Vulture). Nëna e Jessica-s thuhet se po qëndron me familjen.

Sipas Daily Mail, ata janë bërë prindër të një djali, por duhet theksuar se çifti nuk ka bërë ende një deklaratë zyrtare dhe as nuk ka postuar në rrjete sociale.
Justin dhe Jessica nuk janë fotografuar në publik që prej muajit mars. Duket se marrëdhënia e tyre është përmirësuar, pas problematikave të mëparshme. Kujtojmë se në fund të dhjetorit, Justin Timberlake u kap mat pa unazën e martesës në gisht, dorë për dore me aktoren Alisha Wainwright, gjatë xhirimeve të filmit "Palmer". Më pas i kërkoi publikisht falje gruas, për të cilën u tha se nuk ndihej e tradhtuar, ndonëse detaje të mëvonshme provuan të kundërtën. Në fund të janarit, u raportua se nisën terapinë në çift.
Justin është i martuar me Jessica Biel që prej vitit 2012.