Disa kohë më parë, pak pasi “futi këmbët” në tregun amerikan, u duk sikur Dua Lipa pati një qasje për të amerikanizuar paksa stilin, qoftë në veshje ose flokë, dhe krijoi një look që largohej disi nga stili britanik, i cili e karakterizonte në fillim të karrierës së saj. Flokët bjondë ishin një ndryshim i papritur në stilin e Duas, e cila që herët identifikohej me flokët e gjatë të errët dhe vetullat e theksuara.

Disa baluke të prera anash

ose eksperimente karantine pasuan më vonë në stilimin e flokëve të Duas.

Dy ditë më parë, ajo paralajmëroi ndjekësit se do të rikthehente Duan e mëparshme, vendim që u mirëprit nga fansat dhe personazhet e njohur, të cilët menjeherë iu përgjigjën pyetjes së saj – “A të rikthehem kështu? – me “Po, të lutem”.

Në një tjetër postim në Instagram pak orë më parë, Dua prezantoi ngjyrën e re të flokëve, që është e ngjashme me ngjyrën e hershme, por s’është njësoj. Në pjesën e sipërme, dallohet një hije e lehtë, më e çelur se pjesa tjetër, që e kthen në identitet, por paksa ndryshe.