Kate Middleton takoi disa familje të përfshira në Tiny Happy People – platformë e re e BBC Education që ofron mbështjetje për prindërit e fëmijëve të moshës 0-4 vjeç – dhe për daljen e saj zgjodhi një fustan me polka-dots nga stilistja e saj e preferuar britanike, Emilia Wickstead.

Fustani është në gjatësi nën gju dhe krijon një siluetë tipike mbretërore.

Referuar Google Trends (via WhoWhatWear), gjatë këtyre pesë viteve të fundit, “veshjet polka-dots” e kanë patur kulmin në korrik të 2019-s. Në fakt, polka-dots nuk janë ndonjë gjë e re, përkundrazi është një trend që ikën e vjen dhe me miratimin e dukeshës, do t’i rikthehemi sërish.