Nëse jeni në dilemë për të bërë ose jo një tatuazh, këto ide minimaliste ndoshta do t’jua mbushin mendjen. Tatuazhet për shumë njerëz janë një mënyrë për të shprehur veten, për të treguar një histori, për të kujtuar dikë apo për të risjellë në mendje një kujtim, ndërsa ndonjëherë tatuazhet janë thjesht aty pa ndonjë arsye të veçantë. Mbase me këto foto, mund të gjeni arsyen tuaj:
- Një vit
Secili prej nesh ka një ose disa data të rëndësishme në jetën e tij. Vendosja e tyre në një tatuazh e simbolizon më së miri atë moment apo periudhë të jetës suaj.
- Një simbol
Çdo simbol ka një kuptim, prandaj aryseja pse do zgjidhni një lloj tatuazhi të tillë do të jetë e qartë.
- Një fjalë
Vetëm me një fjalë mund të shprehni një tërësi emocionesh. Zgjidhni diçka të veçantë, emër a folje që ju personifikon disi.
- Një kafshë
Duken kaq të lezetshëm dhe të bukur për t'u parë. Mund të jetë kafsha juaj e preferuar, shtëpiake ose një emër me të cilin ju thërrasin me përkëdheli.
- Një figurë ose objekt i dashur
Mund të jetë një trëndafil a një libër. Diçka që ju pëlqen dhe ju jep një ndjesi kur e shihni. Tatuazhe minimaliste si trëndafili, shpesh bëhen edhe me ngjyra.
- Valë deti
Valët e detit janë një nga idetë më interesante për t’u bërë tatuazh. Simbol i qetësisë dhe njëkohësisht dhe i zhurmës, mund të jenë një tregues i mirë i karakterit tuaj.
- Hëna ose gjysmëhëna
Hëna simbolizon misterin dhe ripërtëritjen. Ajo është pjesë e një cikli të vazhdueshëm dhe kështu jemi edhe ne, gjithmonë në lëvizje, herë duke fshehur e herë duke nxjerrë në pah pjesë të karakterit tonë. Simbol i së bukurës mistike dhe i fuqisë për të ndriçuar.
