Pijet detoks janë bashkim i frutave dhe perimeve të caktuara me ujë ose jo. Konsumimi i tyre ka efekt “pastrues” për mëlçinë dhe sistemin tretës. Pastrimi apo detoksi total konsiston në konsumin e vetëm të tilla lëngjeve për disa ditë me rradhë, por sipas Institutit Kombëtar të Shëndetesisë në Amerikë, nuk ka ende prova konkrete që programet detoks largojnë në të vërtetë substancat e dëmshme nga trupi. Prandaj, sugjerohet të pihen në mëngjes ose përgjatë ditës, por duke u shoqëruar edhe me ushqime të tjera të shëndetshme.
Përbërësit kryesorë për një pije detoksi janë:
Lakra jeshile - Jashtëzakonisht i ulët në kalori, anti-oksidues i fuqishëm me veti anti-inflamatore dhe i dobishëm për artritin dhe sëmundjet autoimmune.
Spinaqi - I mbushur me vitamina, ka veti anti-kanceroze dhe është një nga ushqimet më të shëndetshme në planet.
Kastraveci - Është 95% ujë, është një detoksifikues i jashtëzakonshëm dhe ndihmon në funksionimin e mëlçisë dhe veshkave
Limoni - Një nga përbërësit më të rëndësishëm që mund të rezervoni në kuzhinën tuaj pasi është një agjent pastrimi shumë efektiv.
Karotat - Të njohura për faktin se janë një burim i mirë i beta-karotenit, fibrave, vitaminës K dhe kaliumit. Përmirësojnë nivelin e ulët të kolesterolit.
Selino - Me pak kalori, pasi është kryesisht ujë. Është një ushqim me gliceminë të ulët dhe një burim i mirë i fibrave dietike.Përmban vitamina A, vitamina C dhe K.
Panxhari -Përmban lëndë ushqyese që mund të ndihmojnë në uljen e presionit të gjakut, luftimin e inflamacionit dhe mbështetjen e detoksifikimit.
Molla - "Një mollë në ditë mban mjekun larg!" nuk është rastësisht nga një thëniet më të famshme. Ndihmon për të luftuar inflamacionin dhe shëndetin e zemrës.
Portokalli - Përforcues i sistemit imunitar, pasi është i pasur me Vitaminë C dhe me pak kalori.
Shafrani – Ka veti anti-inflamatore dhe anti-oksiduese.
Xhenxhefili - ndihmon në tretje dhe mbështet sistemin imunitar.
Këto përbërës mund t’i kombinoni si të doni. Ja disa sugjerime:
“Drink your greens” - Spinaq, kastravec, selino, limon, xhenxhefil dhe mollë (opsionale: majdanoz)
“The detoxifier” - Panxhar, karrota, limon, xhenxhefil, mollë
“The vision” - Karrota, portokalle, xhenxhefili (opsionale: shafran/turmerik)
“Sweet carrot” - Mollë, karrota dhe majdanoz
Burimi: Modern Honey
