Pasditen e djeshme janë publikuar datat e provimeve për maturantët të cilët nuk kanë mundur të marrin notë kaluese në ndonjërën prej lëndëve të dhënë pak javë më parë. Ministria e Arsimit, ka njoftuar se sezoni i provimeve të vjeshtës do të nisë më 24 gusht dhe do të përfundojë më 3 shtator 2020.
I pari provim përsëritës do të jetë ai i gjuhës së huaj, në 24 gusht, për të vijuar me provimin e Gjuhës Shqipe dhe Letërsisë me 27 gusht, 31 gusht provimi i matematikës dhe për t'u mbyllur më 3 shtator me provimin e lëndës me zgjedhje.
Photo Courtesy of Abc News
Paraprakisht është bërë gjithashtu me dije struktura e tezës. Thuhet se do të hartohen vetëm pyetje me alternativa të cilat në total do të vlerësohen me 60 pikë. Koha e provimit do të zgjasë dy orë e 30 minuta.
Photo Courtesy of Abc News
