Shqipëria

Pipero-Brataj kundër mbylljes në fundjavë: 'Covid-19 s'po sillet si virus aspirator'

Shkruar nga Anabel

11 Korrik 2020

Pipero-Brataj kundër mbylljes në fundjavë: 'Covid-19

Mjeku epidemiolog, Pëllumb Pipero, i ftuar në News 24, tha se gjatë kësaj kohe është vënë re se Covid-19, nuk po sillet vetëm si virus aspirator. Pipero tha se ka disa raste pacientësh që kanë treguar se ai që goditet i pari nga virusi është truri.

“Covid 19 sjell koagulimin e gjakut , shkakton koagola në të gjithë trupin, kjo mund të sjellë infarkt të trurit, zemrës, probleme të mëlçisë. Ca thonë se dëmtimet që le në veshka janë të pariparueshme. Ajo që mund të them është se Covid-19 nuk po sillet si virus respirator.

I pari dëmtohet truri, shkakton konfuzion mendor, të folurit përçart, jep pagjumësi, pra ndodh dëmtim i qelizës së trurit nga virusi. Kemi pasur tre raste pacientësh ku e kemi vërejtur një gjë të tillë, jep dëmtime të qelizave trunore. Kemi 6 apo 7 muaj me këtë virus nuk dimë për sa kohë organet ngelen të dëmtuara prej tij, nuk dimë edhe nëse lë apo nuk lë imunitet."- u shpreh Pipero, duke shtuar se pavarësisht kësaj, duhet të kalojnë nga 18 deri në 24 muaj për të patur të dhëna më të qarta rreth virusit.

Përpos kësaj, si Pipero ashtu dhe Skënder Brataj kanë pohuar se janë kundër izolimit, por pro respektimit të çdo mase parandaluese. Ndonëse dje Silva Bino propozoi edhe një rikthim të mundshëm të mbylljes gjatë fundjavave, mjekët u shprehën kundër kësaj mase.

“Para pak javësh u mbyll Melburni në Australi. Unë shikoj si rrezik grumbullimet natën nëpër lokale, më e rrezikshmja janë përqafimet dhe puthet. Njerëzit që s’kanë pasur të infektuar në rrethin e tyre nuk duan ta dinë, ata që kanë pasur janë më të ndërgjegjshëm. Ne nuk duam të kthehemi në izolim, por nëse vijohet me këto ritme nuk do i lëmë njerëzit të vdesin rrugëve. Prandaj që të mos shkojmë aty rekomandohet mbajtja e maskës në ambiente të mbyllura si dhe higjiena”.- u shpreh Brataj.

MOS I HUMBISNI