Një javë pas hapjes, transporti publik rrezikon të mbyllet sërish! Përfaqësues të shoqatës së transportit publik janë shprehur se e kanë të pamundur të vijojnë shërbimin, duke marrë parasysh vështirësitë me të cilat janë përballur që nga 6 korriku. Gjatë kësaj javë, ata thonë se më pak se 30% e kapacitetit që kanë patur në kushte normale. Një fenomen i tillë e vë në pikëpyetje vazhdimësinë e transportit publik.
"Qarkullimi i qytetarëve në këto ditë që ne rinisim është më pak se 30% e numrit që ne kemi pasur në kushte normale. Po hasim vështirësi dhe situata është bërë shumë e rënduar ndaj kërkojmë ndërhyrjen nga ana e Bashkisë për të vazhduar këtë shërbim.
Ne patëm mundësi të rifillonim punën pasi ndryshimi i protokollit bëri që ne të pranonim, por nuk kemi hequr dorë nga kërkesat ekonomike. Pika e parë që ne kërkojmë është zerimi i TVSH-së, gjithashtu kërkojmë heqjen e akcizës së karburantit, rimbursim nga bashkia për kategoritë e personave që nuk paguajnë shërbimin publik si dhe rimbursimin e kapacitetit të munguar të pasagjerëve si pasojë e respektimit të protokollit.”- është shprehur kryetari i shoqatës.
Nuk dihet ende nëse transporti publik do të mbyllet ose jo ditën e hënë, por situata e rënduar e Covid-19 i ka bërë edhe më të pasigurt qytetarët t'i rikthehen këtij shërbimi.
Burimi: Abc News
