TED është një organizatë mediatike amerikane kushtuar përhapjes së ideve, zakonisht në formën e fjalimeve të shkurtra, por të fuqishme. TED ekziston që prej vitit 1984, ku nisi si një konferencë për teknologjinë, argëtimin dhe dizajnin. Sot, mbulon thuajse të gjtha temat nga shkenca në biznes e deri tek çështjet globale, në më shumë se 100 gjuhë. Kemi përzgjedhur për ju 10 fjalime të llojeve të ndryshme që ia vlen t’i dëgjoni.
- “I got 99 problems, but palsy isn’t one.”
Maysoon Zayid është një aktore dhe komediane amerikane me origjinë palestineze. Ajo është aktorja e parë që ka realizuar komedi stand-up në Palestinë dhe Jordani. Ky është një prej fjalimeve më argëtues dhë njëkohësisht më frymëzues që do të shihni ndonjëherë. Vetëm 14 minuta, për të kuptuar se asnjë lloj gjendjeje fizike, nuk ju ndalon dot për të patur një gjendje të mirë emocionale dhe shumëm shumë humor.
- “Harnessing the power of placebos.”
Ky mund të jetë një prej informacioneve më shokues që do të merrni. Alia Crum, pedagoge pranë universitetit të Stanfordi-t, atlete, psikologe dhe e cilësuar nga shumë si sozia e Britney Spears (nuk është ky informacioni shokues), ju tregon se si mënyra si mendojmë, ndryshon gjendjen tonë shëndetësore. Eksperimentet sociale do t’ju lënë pa fjalë. Videoja zgjat vetëm 15 minuta.
- “What does the Quran really says about a Muslim woman’s hijab.”
Samina Ali është fituese e disa çmimeve për librat e saj. Si aktiviste dhe feministe, puna e saj drejtohet nga besimi se gratë duhet të kenë liri të plotë indivuduale dhe politike. Të gjithë (besimtarë ose jo) duhet të shohin këtë TedTalk, për të kuptuar se si njerëzit e kanë shtrembëruar fenë ndër vite sipas interesave të tyre.
- “20 first hours – How to learn anything.”
Josh Kaufman, autor i disa librave tregon teorinë e tij se si të fitosh një aftësi të caktuar. Nëse edhe ti je procrastinator (i lë gjërat për në momentin e fundit) jepi një shans Josh-it dhe mbase ai mund ta ndryshojë këtë problem (jo dhe aq) të vogël.
- “Thoughts on humanity, fame and love.”
Shah Rukh Khan mbase nuk ju thotë gjë si emër, por e keni parë me patjetër në një prej shumë filmave të Bollywood ku aktori luan. Nëse je fans i filmave hindi, dëgjo mendimet e tij mbi famën, humanizmin dhe dashurinë, shoqëruar me shumë humor.
- “There’s no luck, only good marketing.”
Kjo video është e vitit 2015, por ka ende njerëz që nuk e dinë rëndësinë e marketingut dhe faktin që aplikohet në çdo fushë e në çdo moment të jetës. Franz Schrepf është një student dhe fjalimi i tij është po aq i mirë sa i profesorëve, autorëve dhe personaliteteve të njohura.
- “More than funny – Michale Jr.”
Ekziston një teori se nëse titulli është “Funny”, “Dying out of laughter” etj., përmbajtja nuk do të jetë dhe aq funny, por në këtë rast do të qeshni me lot. Humorist dhe frymëzues, ja vlen ta dëgjoni.
- “ Secret of success – 8 words, 3 minutes.”
Sigurisht, nuk është kaq e thjeshtë sa 3 minuta, por gjatë videos do të kuptoni se asgjë nuk është e pamundur.
- "Unë nuk i kam të gjitha, por jam e lumtur"
Tani pak shqip. Po, TedTalk flet edhe shqip! Nga ky fjalim, do kuptoni pse Ilva Tare është një nga gazetaret më të mira që kemi. Fjalimi është i këndshëm, me humor të mprehtë, autoironik. 17 minuta kalojnë shumë shpejt.
- “Ndiq ëndrrën për të lënë gjurmë!”
Përsëri shqip. Ky është Fitim Uka dhe vërtet e fitoi këtë TedTalk. Psikologu nga Prishtina, që së fundmi është përfshirë në politikë, është i qartë dhe frymëzues.
Këto janë disa sugjerime, pasi do të vijojmë edhe me lista të tjera në artikuj të mëvonshëm.
