Të gjithë shtetasit shqiptarë, por edhe ata të huaj, do të lejohet të udhëtojnë drejt Shqipërisë sipas rregullave në fuqi. Kufiri për ta mbetet i hapur, referuar njoftimit të fundit të Policisë së Shtetit. Përmes një deklarate zyrtare, Policia e Shtetit njoftoi lëvizjet drejt vendeve të tjera.

Nuk lejohet lëvizja e lirë e shtetasve shqiptarë drejt zonës Schengen, përveç rasteve të konfirmuara nga autoritetet e këtyre vendeve.

Shën.red. Shtetet e zonës Schengen: Austria, Belgjika, Republika Çeke, Danimarka, Estonia, Finlanda, Franca, Gjermania, Greqia, Hungaria, Islanda, Italia, Letonia, Lihtenshtajni, Lituania, Luksemburgu, Malta, Hollanda, Norvegjia, Polonia, Portugalia, Sllovakia, Sllovenia, Spanja , Suedia dhe Zvicra.

Drejt Greqisë lejohen të kalojnë vetëm shtetasit e pajisur me leje qendrimi dhe ata që kanë pasaportë greke. Po kështu lëvizja është e hapur për kamionët ose rastet e autorizuara nga autoritetet greke.

Lëvizja drejt Kosovës dhe Maqedonisë së Veriut mbetet e lirë për personat dhe mjetet, ndërkohë që drejt Malit të Zi mund të lëvizin vetëm personat që kanë një dokument të lëshuar nga laboratorët e akredituar të testimit të Covid-19, jo më shumë se 48 orë më parë, ku vërtetohet rezultojnë negativ në testin PCR. Nëse është një grup mbi 10 vetë, testi kryhet nga autoritetet e Malit të Zi në kufi.