Me siguri duhet t'jua kenë zënë sytë nëpër Instagram që Khloe Kardashian kishte ditëlindjen 2 ditë më parë dhe besojeni ose jo, mbushi 36 vjeç.
Edhe pse klani Kardashian-Jenner njihet për festat e çmendura dhe nisje trendesh, ditëlindja e Khloe-s ishte thjesht ekstra!
Duhet thënë se pas festës së çmendur qëndron Kylie, kështu që prisni të shihni çudira. Ditëlindja u festua tek shtëpia e kësaj të fundit dhe jeni gati për detaje?!
Si fillim, kishte jastëkë me fytyrën e Khloe-it të printuar kudo nëpër shtëpi.
Miliona tollumbacë që thërrasin emrin e saj, kryesisht rozë!
Një menu e personalizuar, mbështetur në natyrën e 36-vjeçares. Eshtë e kotë të vazhdojmë, çdo detaj mban fytyrën e saj!
Nëse jeni kureshtarë, në listën e të ftuarëve ishte padyshim dhe ish-partneri legjendar, Tristan Thompson, dedikimi i të cilit i bëri njerëzit të mendojnë për një rikthim të mundshëm.
"Tani jam mjaftueshëm i mençur të di që ti erdhe në jetën time për të më treguar ç'do të thotë të jesh njeri i mrekullueshëm. E vlerësoj shumë që jam i aftë të mësoj dhe të rritem falë teje."- shkruan Tristan tradhtari përmes publikimit të një fotoje në çift.
Si përfundoi festa? Siç përfundon gjithmonë, vajzat duke luftuar me jastëqe. Për t'u argëtuar, të kuptohemi!
