Fendi prezantoi koleksionin e fundit Pre-Fall 2020 me titull “California Sky”. Koleksioni vjen si një bashkëpunim me artistin Joshua Vides, i cili duket se u frymëzua nga videoklipi i grupit norvegjez A-ha, “Take me on”.

Vides ridizenjoi logon e Fendi-t si edhe theksoi konturet e çantës së famshme, Peekaboo.

Kombinimi me veshje njëngjyrëshe është estetika e re e koleksionit që vjen i ndërtuar me printe grafike. Nuk është hera e parë që Joshua Vides sjell një dizajn të tillë, ku mund të kujtojmë këtu bashkëpunimin e tij me Nike.

California Sky do të përmbajë veshje dhe aksesorë për të gjithë familjen dhe pasi të na jenë mërzitur printet tropikale, me gjasë do të kthejmë sytë nga veshje të ngjashme me këto të Fendi-t.

Burimi: ELLE