Gjatë ditës së sotme, në vëmendje të medias ka qenë një tjetër rast tronditës. Ajo e historisë së një vajze të abuzuar nga një shef policie, kur iu drejtua këtij të fundit për ndihmë. Me rastin e vajzës, fillimisht na njohu Arbana Osmani.

Çfarë ndodhi fillimisht?

Para pak ditësh, Arbana njoftoi përmes Instagram-it të saj, se sot (6 qershor) do të transmetohet historia e një vajze të abuzuar në moshë të mitur. Kur ishte vetëm 12 vjeç, vajza e quajtur Adriana u abuzua seksualisht nga roja i jetimores në Shkodër. Pas traumës së parë, Adriana i drejtohet autoriteteve, por aty merr goditjen e dytë. Polici tek i cili bëri denoncimin, abuzoi me të. Pas shumë vitesh depresioni, frike dhe ankthi, vajza, sot 27-vjeç vendos ta bëjë publike historinë e saj. Në videot e postuara në Instagram, që tregojnë një përmbledhje të shkurtër të asaj çfarë do të ndodhë sot në "Dua të të bëj të lumtur", dëgjohet pak nga rrëfimi tronditës i vajzës.

Kur Arbana tha fillimisht se rasti i një abuzimi do të bëhet publik nga vetë viktima, në rrejtet sociale pati reagime të ndryshme.

Shumë prej ndjekësve nuk ishin dakord që histori të tilla të bëheshin publike, por në një tjetër postim, Osmani thekson se vetëm përmes publikimit të spotit ndodhi ajo që duhet të kishte ndodhur para shumë kohësh.

Çfarë ndodhi më pas?

Menjëherë pas bërjes publik të rastit, vajza ka denoncuar policin, i cili është përjashtuar menjëherë nga detyra e shefit të Stacionit Policor në Fushë-Arrëz. Mbi të rëndon gjithashtu akuza e kryerjes së marrëdhënieve seksuale me dhunë.

Sipas SHBÇA, ngjarja dyshohet se ka ndodhur në 2015-ën, por është kallzuar së fundmi. Vajza, aktualisht është marrë në mbrojtjen e autoriteteve dhe organizatave jo-fitimprurëse, të cilat po kujdesen për të.

Detaje të tjera:

Historia mori të tjera përmasa pasi rasti u bë publik. Tre vite më parë, mbesa e shkrimtarit Martin Camajt ka kaluar në po të njëjtën situatë me policin në fjalë, kur kishte shkuar për të kërkuar nga autoritetet urdhër mbrojtje nga bashkëshorti. Shefi i policisë i kishte kërkuar asaj favore seksuale në këmbim të kërkesës.  E vetmja përgjigje që mori nga autoritetet ishte refuzimi. Më shumë rreth ngjarjes mund të lexoni këtu.