Një pjesë e mirë e qytetarëve janë ende në dilemë në lidhje me pagën prej 40,000 lekësh që do të përfitojnë nga shteti si pasojë e situatës së shkaktuar nga Covid-10. Kryeministri Rama, përmes një statusi në Facebook, njoftoi se rreth 30 mijë njerëz kanë marrë pagën e qeverisë, që deri më sot nuk e kishin marrë si pasojë e mos-aplikimit të punëdhënësve.

Ndër të tjera, ai i bëri sërish thirrje bizneseve që nuk kanë aplikuar ende, ta bëjnë, pasi afati përfundon më 5 qershor.

"Sipas llogarive janë afërsisht edhe 20 mijë të tjerë që duhet të paguajmë, prandaj ju kujtoj punëdhënësve që s'kanë aplikuar ende se afati për ta skadon të premten, më 5 qershor në mesnatë. Kush nuk do të bëjë këtë aplikim për punonjësin e vetë do të paguajë gjobë."- shkruan Rama.

Ç'do të ndodhë me ata qytetarë në rast se punëdhënësit nuk aplikojnë për ta?

Sipas njoftimit të kryeministrit, këtij grupi do t'i hidhen në mënyrë të menjëhershme në llogarinë bankare shuma prej 40,000 lekësh duke nisur që nga e hëna e javës së ardhshme.