Në një postim në Instagram, Amarda Toska u shpreh se “reagimi ndaj racizmit në Amerikë duket më shumë si modë”.

“Shumë mirë që reagoni ndaj racizmit dhe mbani këtë qëndrim të drejtë, por duket më shumë modë që ju pëlqen ta ndiqni! Reagoni në fillim për përdhunimet dhe vrasjet që po ndodhin çdo ditë në vendin tonë, për vendosejen e drejtësisë për shumë çështje të harruara etj.” – shkroi ajo.

Në vijim, Amarda shton se “sigurisht që jeta e afro-amerikanëve ka rëndësi”, por vendos theksin te reagimi më parë për çështje që prekin më së shumti shoqërinë shqiptare, mendim me të cilin kanë rëndë dakord, referuar komenteve, Klea Huta, Liberta Spahiu, Albatros Rexhaj. “Është modë, jo bindje,” thotë ky i fundit.

Një mendim të ngjashëm ka edhe Enca.

 “Imagjinoni sa bukur do ishte sikur të gjithë njerëzit, sidomos artistët shqiptarë që kanë postuar fotot e zeza në profil, të ngriheshin qoftë një herë të vetme njëzëri për një çështje që na prek NE. Pse nuk e përdorni zërin aty ku ju dëgjohet dhe për çështje që ne po na vrasin përditë? Pse nuk ngriheni një herë për komunitetin rom që është prezent tek ne dhe përbuzet çdo ditë?! Jooo, jeni shumë të zënë duke postuar çfarë poston amerikani sepse është më ‘trendy’.”

Në një tjetër Instagram Story, këngëtarja shton se “sigurisht që i bën përshtypje nisma kundër racizmit”.

“[...]Por do të ndihesha hipokrite nëse do zgjidhja të ngrija zërin për një temë që nuk e prek komunitetin rreth meje para 100 çështjesh shumë më të prekshme për ne, ku të gjithë bashkë ndoshta mund ta bëjmë një ndryshim.”

Referuar komenteteve, një pjesë bie dakord me çfarë u tha më sipër, ndërkohë që të tjerë theksojnë se “një problematikë nuk përjashton tjetrën”.

Anabel.al do ta vlerësonte shumë nëse i kushtoni pak kohë pyetjeve të sondazhit me tre pyetje në vijim: