Rritja e të infektuarëve me Covid-19 në vend, është zgjeruar sot edhe në qytete të tjera, përveç Tiranës, që prej ditësh rezulton si vatra kryesore në vend. Ministria e Shëndetësisë gjatë komunikimit të fundit, konfirmoi se në 24 orët e fundit kanë rezultuar pozivitivë 23 persona, duke e çuar në total numrin e të infektuarëve 1099.
12 raste të reja në Tiranë, prej të cilave 8 ishin kontakte të mëparshme, e ndërsa për 4 të tjerë vijon hetimi epidemiologjuik. Përpos kryeqytetit, 6 raste të tjera janë konfirmuar pozitivë në Mat, kontakte të një pacienteje të shtruar në QSUT, 4 në Lushnje dhe 1 rast në Durrës.
Aktualisht në spitalin infektiv janë të shtruar 23 pacientë e ndërsa të shëruar brenda 24 orësh janë 28 qytetarë.
Luhatja e ditëve të fundit sipas epidemiologëve erdhi si pasojë e dy vatrave që e ngritën shumë bilancin: Call Center-i dhe infermierja e papërgjegjshme e cila edhe pse me simptoma të dukshme, vijonte të shkonte në punë, duke infektuar një pjesë të mirë të stafit mjekësor.
Ditën e djeshme, Pipero u shpreh se situata aktuale mund të ketë ardhur si pasojë e çalimit të masave brenda bluzave të bardha, por pavarësisht kësaj gjendja mbetet e qëndrueshme, duke marrë parasysh që një pjesë e mirë e të infektuarëve janë pa simptoma.
COVID-19 – Statistika (29 Maj 2020)
Testime totale 15595
Testime molekulare 14269
Testime serologjike 1326
Raste pozitive 1099
Raste të shëruara 851
Raste Aktive 215
Humbje jete 33 (Qarku Tiranë 20, Durrës 6, Fier 3, Vlorë 1, Shkodër 2, Kukës 1)
Shpërndarja gjeografike e rasteve aktive është si vijon:
Tiranë 121
Durrës 42
Krujë 17
Shkodër 11
Kamëz 9
Mat 6
Lushnje 4
Berat 2
Fier 2
Korçë 1
- Skenari i mundshëm që do të çonte sërish në mbylljen e vendit: Flet Manastirliu
- Infektimi i personelit prej infermieres, Pipero:'Po të ishin të përgjegjshëm do parandalohej'
- Një valë e dytë? 3 skenarët për Covid-19
- Rritja e numrit të të infektuarve! Shkaku: Një Call Center dhe një infermiere e papërgjegjshme
