Drejtori artistik i Gucci-t, Alessandro Michele, duket se e ka kaluar gjithë periudhën e pandemisë duke reflektuar në lidhje me ndryshimet e reja që do të pasojnë industrinë e modës në përgjithësi dhe Gucci-n në veçanti. Teksa qëndronte në shtëpinë e tij në Romë, Michele, nisur nga gjithë çfarë solli pandemia në modë, mori një vendim të rëndësishëm.
Në Instagram, Gucci postoi “pjesëza” nga ditari i Michele-t, që janë formë shënimesh të mbajtura gjatë karantinës. “Unë do të braktis ritualin e lodhshëm të shfaqjeve sezonale për të filluar një kadencë të re, më afër qasjes sime. Do të takohemi vetëm dy herë në vit, për të prezantuar kapitujt e një historie të re,” shkroi ai. Michele premtoi një “univers ndryshe”.
Me terma praktikë, Gucci do të braktisë shfaqjet para-sezonale si edhe sfilatat e koleksioneve pranverë/verë dhe vjeshtë/dimër.
View this post on Instagram
