Pavarësisht rezistencës së atyre që ishin kundër shembjes së Teatrit Kombëtar, aksioni për prishjen e tij ka nisur orët e para të kësaj të diele. Shembja e godinës nisi rreth orës 04:30 dhe u shoqërua me tensione mes protestuesëve dhe forcave policore.
Aktivistët që janë kundër shembjes, kanë nisur përleshjen me policinë ndërsa këta të fundit i kanë larguar me forcë dhe lëndë të tjera që shërbejnë për shpërndarjen e turmës.
Ndërkohë që shembja e Teatrit Kombëtar vazhdon artistët provuan dhe një rezistencë të fundit, duke provuar të thyejnë kordonin policor, por këta të fundit kanë larguar me forcë qytetarët, përfshi këtu edhe gazetarin Alfred Lela dhe emra të tjerë të politikës dhe artit.
Shembja e Teatrit Kombëtar erdhi pas më shumë se dy vitesh rezistencë të njerëzve që ishin kundër ndërtimit të një Teatri të ri.
Burimi: Balkan Web & Abc News
