Muzika

Merret vendimi: A do të marrë pjesë Arilena në Eurovision 2021

Shkruar nga Anabel

16 Maj 2020

Merret vendimi: A do të marrë pjesë Arilena në Eurovision

Sot në mbrëmje, në orën 21:00 do të transmetohet "Eurovision: Europe Shine a Light", në të cilin përfaqësuesit e shteteve do të performojnë këngët fituese në Eurovision, por pa garë. Arilena do të prezantojë videoklipin e këngës “Fall from the sky”. Në një intervistë në Report Tv, përfaqësuesi i Shqipërisë në Eurovision, Kleart Duraj, u shpreh:

“Duke qenë se siç ju thashë anulimi i Eurovizionit ndodhi në një periudhë pas takimit të kryetarëve të delegacioneve, si të thuash pas dorëzimit të dokumentacionit të nevojshëm për zhvillimin e festivalit europian të këngës, sigurisht që EBU [Europian Broadcasting Union] dhe Universal Music, që merren me të drejtat e këngëve, i konsideroi këto këngë që do ta shfrytëzonin veten e tyre, do të shfrytëzoheshin nga mediat [sic].”

Në vijim të bisedës, Duraj tregoi se “rrjedhimisht këngët nuk mund të marrin pjesë për vitin tjetër.”

Festivali i sotëm nuk ka lidhje me EuroStream, i organizuar nga disa blogje të Eurovision-it, i cili nuk pati aspak magjinë e festivalit europian.

MOS I HUMBISNI