Ish-pjesëtari i “Tingulli 3nt” dhe label-it Babastars, Agon Amiga, në një bisedë për “Vizioni i Pasdites” në Vizion Plus foli për mënyrën si e ka përjetuar karantinën, bisedë gjatë të cilës ceku pak edhe raportin me reperët e tjerë, dikur pjesë e Babastars.
I pyetur nga Evi Reçi nëse ka folur me anëtarët e tjerë të grupit, reperi, paksa në siklet, u përgjigjigj:
“Të them të drejtën nuk kam folur për këtë çështje, është ndërprerë aty ku është ndërprerë. Gjithçka është e kohës. Nuk di çfarë të them. Babastars ka qenë një nga label-at më të mëdhenj në Shqiptari mund të them.”
Në vijim, Evi i tha se “diçka duhet të ketë ndryshuar”.
“Kanë ndryshuar shumë gjëra. Po ndryshon gjithë bota, pse edhe ne jo,” u përgjigj Agon Amiga.
Zërat e parë për një përçarje të Babastars lindën në fund të 2018-s dhe u përforcuan pas këngës së Agon Amiga-s, “Oh bir”, e cila u konsiderua si një diss ndaj Getoar Selimit, me të cilin Amiga bashkëkrijoi “Tingullin 3nt”. Në dhjetor të 20180-s, Onat hodhi poshtë aludimet, mirëpo publikimi i këngës “Thirri Dajt” pa pjesëmarrjen e Agon Amigas, Skivit dhe Cozman, ngriti sërish dyshime.
Në janar të vitit 2019, Skivi deklaroi largimin nga Babastars dhe u shpreh se “do të krijojë firmën e tij”. Skivi u shpreh se Babastars u krijua në 2011 me kontributin e tij, Getoar Selimit, Agon Amiga-s dhe Ledri Vulës. “Gjatë gjithë kësaj kohe, pas ndarjes së grupit Skillz, anëtarët e tjere si shokë dhe kolegë më bindën që të qëndroja në BS si Skivi dhe që duhet ta vazhdoja muzikën pa prezencën e Ledrit. Mirëpo gjatë viteve, fjalët dhe veprimet ndryshuan dhe si grup nuk kemi rënë darkord për asnjë veprim të përbashkët; për këtë arsye kemi pasur edhe ngecje edhe mosmarrëveshje brenda grupit, ku shpehherë ka dal nëpër media që kemi mosmarrëveshje,” shtoi ai.
Po në janar, Cozman thumboi publikisht ish-miqtë e Babastars duke i konsideruar si “repera fallso”. Në qeshor të 2019-s u tha se Babastars mund të ribashkoheshin, por që siç duket nuk rezultoi kështu.
Babastars u krijua në vitin 2011 nga bashkimi i “Tingulli 3nt” (Getoar Selimi & Agon Amiga) dhe “Skillz” (Ledri Vula & Skivi). Më pas, label-it iu bashkua edhe TDS (Majk & Onat) si edhe Cozman. I pari që u largua nga label-i ishte Ledri Vula, që pas një pauze vendosi të vazhdonte karrierën i vetëm.
