Një lëkurë rrëzëllitëse është fat (çkemi, gjenetikë!) dhe kujdes. Me kujdes e kemi fjalën për rutinën e caktuar, të përshtatshme për llojin e lëkurës dhe patjetër për produktet. Nëse gjenetikën nuk e kemi në dorë, patjetër që markat e produkteve të lëkurës mund t’i zgjedhim dhe për këtë na vijnë në ndihmë vajzat franceze, të cilat treguan për Who What Wear të preferuarat e tyre.
Nuxe
Nuxe u themelua në vitin 1989 dhe fitoi famë dy vite më vonë me nxjerrjen në treg të Huile Prodigieuse Multi-Usage Dry Oil që ushqen dhe trajton fytyrën, flokët dhe lëkurën e trupit dhe është i preferuari i Jennifer Aniston dhe Eva Mendes. Të tjerë produkte që sugjerohen nga Nuxe janë Nuxe Rêve de Miel Ultra-Nourishing Lip Balm dhe Nuxe Crème Fraîche de Beauté.
Bioderma
Uji micellar i Bioderma-s është një nga më të njohurit sot në botë, i cili sugjerohet gjerësisht nga artistët e makeup-it. Bioderma u themelua në vitet ’70, por uji micellar për pastrimin e makeup-it në ’90 i dha Bioderma-s një tjetër prestigj. Tjetër produkt që sugjerohet nga Bioderma janë Bioderma Sébium H2O Purifying Cleansing Micelle Solution.
La Roche-Posay
Një tjetër markë e preferuar e vajzave franceze është padyshim La Roche-Posay që daton që në vitet ’70. La Roche-Posay bashkëpunon me dermatologë për të krijuar formula të caktuara për lloje të ndryshme të lëkurës dhe njihet për faktin që produktet e markës nuk bllokojnë poret dhe kanë një teksturë të butë që nuk shkakton irritim. La Roche-Posay është një nga markat më të këshilluara nga dermatologët. Disa nga produktet më të përmendura: La Roche-Posay Effaclar Duo, La Roche-Posay Toleriane Sensitive Creme, La Roche-Posay Thermal Spring Water.
Caudalie
Caudalie, ndonëse nuk ka lidhje me verën, u frymëzua nga një përbërës i njëjtë: rrushi. Caudalie u themelua në 1995-n nga një çift francez. Rosie Huntington-Whiteley, Victoria Beckham dhe Holly Willoughby janë disa nga emrat që e kanë Caudalie si një ndër markat e preferuara. Produkte të sugjeruara: Caudalie Beauty Elixir, Caudalie Vinoperfect Radiance Serum, Caudalie Premier Cru the Eye Cream.
Vichy
Vichy daton që prej vitit 1931 dhe për dekada me radhë ka qenë një ndër markat më të përdorura nga vajzat dhe gratë franceze dhe jo vetëm. Vichy përdor ujin mineral si bazë për formulat e produkteve. Gjithashtu Vichy punon me dermatologë dhe ekspertë të alergjive për t’u siguruar që produktet janë të përshtatshme për të gjitha llojet e lëkurës. Produkte të sugjeruara: Vichy Minéral 89 Serum, Vichy Normaderm Intensive Purifying Cleansing Gel, Vichy Liftactiv Collagen Specialist Day Cream.
Avène
Avène e mori emrin nga i njëjti rajon në Francë ku u themelua. Historia e krijimit të Avène është interesante: Një kalë me probleme në lëkurë, notoi dhe piu ujë në një zonë më ujëra termalë në Avène në vitet 1700 dhe u shërua. E vërtetë ose jo, pak rëndësi ka sepse vendi u bë destinacioni i preferuar për shumë njerëz me probleme të lëkurës. Marka Avène përdor të njëjtin ujë si përbërës kryesor për produktet e saj. Produkte të sugjeruara: Avène Cicalfate Cream, Avène Hydrance Intense Serum, Avène Thermal Water Spray.
Embryolisse
Embryolisse u krijua në një spital në Paris në 1950 për të hidratuar dhe për t’u kujdesur për lëkurën e pacientëve. Në fillim u prezantua nëpër farmacitë franceze dhe më pas u përhap më gjerë. Hidratuesi i Embryolisse është i preferuari i Gwyneth Paltrow. Disa nga produktet më të përmendura: Embryolisse Lait-Crème Concentré, Embryolisse Lait-Crème Concentré, London Edition, Embryolisse Hydra-Mask.
SVR
SVR, i krijuar nga dy farmacistë në 1962, është një nga markat më të njohura të farmacive franceze. SVR u krijua posaçërisht për lëkurat e ndjeshme dhe ishte një nga markat e para për kujdesin e lëkurës që përgatitej nga një ekip shkencor. Produkte të sugjeruara: SVR Laboratories Hydracid C50 Smoothing Radiance Mask, SVR Laboratories Sensifine AR Micellar Water, SVR Laboratories Sun Secure Extreme SPF50+.
