Pas rregullave të dhëna nga Ministria e Arsimit në lidhje me riorganizimin e maturantëve pas kthimit në shkolla, Drejtoresha e Qendrës së Shërbimeve Arsimore, Rezana Vrapi ka folur për procesin e administrimit të maturës së këtij viti.
Vrapi ka bërë me dije se për maturantët do të duhen të ndjekin rregullat që nga mënyra si do të ulen nëpër klasa e deri tek monitorimi i tyre gjatë provimit. Një nga gjërat që duhet të kenë parasysh, është mos-përdorimi i celularit, përdorimi i të cilit do të shoqërohet me penalizim të rëndë.
“Rregullat më të forta kanë të bëjnë veçanërisht me besueshmërinë e të gjithë procesit. Pra, mos-marrjen e celularëve dhe mos-komunikimin në procesin e mjedisit. Këto janë të sanksionuara në rregulloren e Maturës Shtetërore. Prandaj bëj me dije, çdo maturant ditën e provimit të mos ketë celular me vete, të mos komunikojë në mjedis. Në të kundërt, do të penalizohet dhe për 1 vit rresht dhe ai nuk do të ketë më të drejtë që ta japi këtë provim."
Shkollat do të rihapen vetëm për maturantët të cilët duan të rikthehen për t'u konsultuar para provimeve.
Burimi: BalkanWeb
