Koha më delikate për t'i kushtuar vëmdendje të ardhurave tuaja, është kjo që po jetojmë. Dikush ka humbur punën, dikujt tjetër i është përgjysmuar rroga, e të tjerëve i është dashur të shpenzojnë kursimet për të përballuar pasojat e pandemisë. Nëse doni të dilni sa më pak të rrënuar ekonomikisht nga kjo gjendje, duhet fillimisht të hiqni dorë nga gabimet më të shpeshta që bëhen në lidhje me paratë.

Të hartosh një buxhet personal është diçka e mërzitshme

Në rregull, e pranojmë që nuk është gjëja më argëtuese që mund të bëni. Por t’i dedikosh qoftë edhe pak orë për të krijuar një skemë realiste shpenzimesh dhe kursimesh do t’ju shpërblehet duke ju kursyer një stres të jashtëzakonshëm në të ardhmen.

Nuk kam kohë për të shënuar çdo para që harxhoj

Hartimi i një buxheti mund të kërkojë goxha kohë në fillim, duke llogaritur të gjitha shpenzimet dhe ato që doni të kurseni. Por së fundmi, një gjë e tillë është bërë edhe më e thjeshtë falë aplikacioneve të shumta që jua lehtësojnë punën.

Nuk fitoj mjaftueshëm para për të hartuar një buxhet

Mendoni që s’ju duhet një buxhet përderisa çdo para që fitoni shjkon për gjëra të nevojshme? Gabim. Hartimi i një buxheti është edhe më thelbësor kur të ardhurat tuaja janë të ulëta, në mënyrë që çdo para e fituar të shpenzohet në mënyrë të zgjuar.

Jam dobët me matematikën

Nuk duhet ndonjë aftësi e jashtëzakonshme në llogaritje duke qenë se hartimi i një buxheti kërkon veprime bazike përllogaritëse.

Nuk kam nevojë për një buxhet

Edhe nëse jeni shumë të mirë në menaxhimin e parave, gjithnjë ka mundësi për më mirë.

Pasi të keni hequr dorë nga justifikimet më lart, kalojmë tek faza e dytë. Ç'duhet bërë?

Mbani shënim se për çfarë shpenzoni

Udhëzuesit financiar gjithmojnë rekomandojnë që njerëzit gjithmonë duhet të shënojnë se ku shkojnë paratë e tyre. Kjo mund të jetë e dhimbshme prandaj njerëzit rezistojnë ta bëjnë. Është e thjeshtë: merrni një fletë të bardhë ose celularin dhe shënoni.

Ngrini një fond emergjence

Gjërat e papritura mund të ndodhin prandaj është mirë që të keni një fond emergjence për çdo të papritur. Nëse situata është e dëshpëruar, ju duhet të bëni disa hapa të vegjël:
- Të paktën 1% të pagesës tuaj çdo muaj mund ta depozitoni tek llogaria e kursimeve.
- Mbajeni veçmas kusurin. Duke kursyer të hollat për një kohë të gjatë, ato do të shtohen.

Mos merrni borxhe

Përpiquni që për nevojat tuaja të përdorni të ardhurat dhe nëse ato nuk janë të mjaftueshme mund të kërkoni një punë shtesë ose mund të gjeni një mënyrë tjetër për t’i blerë më lirë. Nëse me vetëdijen tuaj do të bini dakord se do të paguani vetëm gjërat për të cilat keni para, jeta juaj do të ndryshojë. Mosmarrja e borxhit është një nga hapat më të rëndësishëm për të ndryshuar jetën financiare.

Burimi: Bible Money Matters