Java e Modës

Për herë të parë: 2 ndryshimet madhore të Javës së Modës në Londër

Shkruar nga Anabel

21 Prill 2020

Për herë të parë: 2 ndryshimet madhore të Javës

Ideja e shfaqjeve të modës teksa globi përballet me Covid-19 duket e pamundur, por në vend të anulimit, kjo industri po parashikon masa për t’u përshtatur gjatë pandemisë.

Sot (e martë, 21 prill), Këshilli Britanik i Modës njoftoi se Java e Modës në Londër do të vijojë sipas datave të planifikuara, 12-14 qeshor, por në vend të një shfaqjeje fizike, përmbajtja do të transmetohet në një platformë dixhitare në londonfashionweek.co.uk.

Caroline Rush, drejtoreshë ekzekutive në Këshillin Britanik të Modës, tha se “duke krijuar një platformë kulturore të javës së modës, jemi duke përshtatur inovacionin dixhital për t’iu përshtatur më mirë nevojave tona dhe për të ndërtuar një vitrinë globale për të ardhmen”.

Përmbajtja do të jetë e ndarë në disa mënyra: me video live në Instagram, pyetje-përgjigje, podcast, konferenca në Zoom, video etj.

Platforma dixhitale do të përmbajë edhe një sallë ekspozite virtuale për të nxitur shitjet.

Një praktikë e tillë nuk ndodh për herë të parë në Londër, pasi Shangai mbajti shfaqje dixhitale në fillim të prillit, po ashtu edhe Tokio në mars, por Londra është qyteti i parë nga qytetet e mëdha të sfilatave.

Ndryshimi i radhës lidhet me veshjet e burrave dhe të grave, pasi për herë të parë, shfaqjet nuk do të kenë ndarje gjinore, një hap i ri dhe me rëndësi në këtë industri, që vitet e fundit është përpjekur të thyejë barrierat përcaktuese.

Burimi: Vogue

MOS I HUMBISNI