Aty nga mesi i marsit, pas kufizimit gjithnjë e më shumë të lëvizjeve dhe aktiviteteve të përditshme, e gjetëm veten brenda katër mureve. Megjithatë nga ana tjetër, si rrallëherë, për të mos thënë për herë të parë, njerëzit përjetuan një bashkim virtual, që nisi fillimisht me komunikime të gjata në Skype e Facetime, e u pasua më vonë me video/postime argëtuese për njëri-tjetrin. Kemi përmbledhur në vijim disa nga sfidat dhe postimet/trendet më të spikatura në rrjete sociale.

Letërsia e Karantinës

Pasi anabel_media në Instagram postoi disa foto librash duke modifikuar titujt me humor për t’i përshtatur me gjendjen e pandemisë, me qindra ndjekës nisën foto të librave. Modifikimi i titujve u kthye në trend, sa u deshën disa postime përmbledhëse.

Prerja e flokëve

Edhe këtu anabel_media në Instagram është pjesërisht fajtore. Postoi në Stories një video të një vajze që priste flokët në karantinë dhe aq u desh, morën zemër shumë të tjera. Trendi nuk zgjati shumë dhe nuk u raportuan dëme ekstreme. Apo jo?

TikToku dhe jeta

Askush nuk e kishte menduar që karantina do ta kthente TikTok-un në aplikacionin më të shkarkuar në mbarë botën, por ja që jeta është e paparashikueshme. Kështu pra, njerëzit e thjeshtë dhe personazhet e njohur u degdisën në TikTok dhe s’dolën më prej aty.

Sfidat “Jemi të mërzitur, nuk dimë ç’të bëjmë ndaj shpërndajmë pozitivitet”

Sfida e fustanit a.k.a jastëk

Sfida e dezinfektuesit – nga çunat e ekipit të basketbollit të Kamzës.

Sfida e mjekeve – mbërritur për anabel_media nga disa mjeke kryesisht nga spitali i Durrësit, por ka edhe nga Tirana dhe Kukësi.

Sfida e nënave të reja

Muzika

Këngëtarët dhe videot e tyre qenë një nga gjetjet më të spikatura të kësaj periudhe. Fillimisht ishin Marsela Çibukaj dhe Vitmar Basha ata që nisën të interpretonin live në Instagram. Pastaj trendi u përqafua nga të tjerë artistë.

Shqipëria pas karantinës

Nisur nga rëndësia e turizmit, Anabel Media nisi në Instagram fushatën #ShqipëriaPasKarantinës, që ka për qëllim të theksojë rëndësinë që kanë pushimet në Shqipëri.