Top List

Nëse je shqiptar, i ke parë këto seriale

Shkruar nga Anabel

10 Prill 2020

Nëse je shqiptar, i ke parë këto seriale

Game of Thrones

Nëse je shqiptar, i ke parë këto seriale

Kur “Game of Thrones” publikoi serinë e fundit të sezonit të fundit, e vetmja bisedë që dëgjohej rrugëve, kafeneve apo zyrave ishte ose në lidhje me Daenerys dhe Jon Snow ose një sherr i nxehur me palën tjetër që s’kishte parë asnjë seri. Si mund të mos shohësh asnjë seri të prodhimit më të madh në Hollywood? Nejse, ata që s’e kanë parë janë pakica. “Game of Thrones” iu desh pak kohë të depërtonte audiencën shqiptare, por ia doli. Kështu u hapi rrugë edhe serialeve të tjera perëndimore që me ardhjen e Netflix, u zunë vendin atyre që transmetoheshin rëndomtë në televizione.

Breaking Bad

Nëse je shqiptar, i ke parë këto seriale

Para “Game of Thrones” audiencën shqiptare e pushtoi “Breaking Bad.” Që të fiksoheshim ne në njëfarë mase, duhej që bota të fiksohej prag çmendurisë. “Breaking Bad” ishte fenomen jashtë, ndërsa në Shqipëri krijoi një bazë fansash të apasionuar që ditët e sotme do quheshin “breaking bad-atorë” (?)

Dr. House

Nëse je shqiptar, i ke parë këto seriale

Kush nuk e ka parë Dr. House kur transmetohej në Tv Klan? Kush nuk ka menduar të bëhet mjek pikërisht prej pinjollit dhe të spikaturit Gregory House dora vetë? Nëse s’ia keni idenë për çfarë po flasim, jeni të rrallë. “Dr. House” ishte gjithmonë argëtues, edhe pse episodet ndiqnin të njëjtën strukturë, dhe sa herë dilte në ekran, e shihje me dëshirë. Ndoshta seriali nuk përjetoi kurrë valën e çmendurisë si “Game of Thrones” apo “La Casa de Papel,” por pëlqehej sinqerisht.

La Casa de Papel

Nëse je shqiptar, i ke parë këto seriale

“La Casa de Papel” bën bashkë dy elementë shumë të rëndësishëm që janë vendimtarë në shqiptarët do i falin pëlqimin apo jo një seriali: aksionin dhe zgjuarsinë. Për fat, seriali spanjoll këto i ka me bollëk. Kur thua krimi perfekt, një mjekërosh që merr parasysh gjithçka dhe aktorë seksi, i ke thënë të gjitha.

Peaky Blinders

Nëse je shqiptar, i ke parë këto seriale

Na lejoni të marrim meritat e prezantimit me “Peaky Blinders.” Jeni të mirënjohur dhe mund të na kërkoni rekomandime kur të doni. “Peaky Blinders” ka protagonist kryeçunin e keq me zemër të butë, ka krim (sërish), pasion, përkushtim ndaj familjes dhe skema të zgjuara. Por sa të gabuar do të ishim nëse do pranonim se gjysmën e atij seriali e mbajnë në këmbë Cillian Murphy dhe Tom Hardy? Ndoshta pak.

Friends

Nëse je shqiptar, i ke parë këto seriale

“Friends” ka dy breza të ndryshëm fansash në Shqipëri. Ata që e kanë parë pranë kohës kur u transmetua për herë të parë dhe ata që e panë së fundi, në Netflix. “Friends” është më i lehtë se sa një banane për mëngjes. S’ka nevojë për shumë vëmendje dhe s’të lodh. Me pak fjalë, krejt e kundërta e atyre që kemi përshkruar më lart. Nëse ju ka ardhur në majë të hundës, shihni “Seinfeld,” “The Office,” “The Nanny” dhe “The Fresh Prince of Bel Air.”

You

Nëse je shqiptar, i ke parë këto seriale

“You” ka në qendër një djalosh bukurosh që bën çmos për të qenë pranë asaj që do. Ose në fjalë të tjera, një të fiksuar që ndërmerr masa ekstreme për t’u bërë pjesë e jetëve të viktimave të tij të gjora. Ky serial ose shërben si një tabelë e madhe që lexon “kujdes” për shqiptarët, ose gjejnë veten te sjelljet e pazakonta dhe te vullneti i pareshtur i protagonistit që s’ndalet për hir të dashurisë. Në të dyja rastet, “You” është një sukses në Shqipëri.

Vlejnë të përmenden:

Vikings

Narcos

Black Mirror

Sherlock

Stranger Things

MOS I HUMBISNI