Bieta Sulo, moderatorja e “Ftesë në pesë,” feston sot ditëlindjen e 35-të. Ajo u surprizua në skenë nga redaksia përmes videomesazheve të realizuara nga miqtë dhe familjarët që natyrisht, rezultuan në lotë.

Kur pa portretin e të atit, Bieta uli menjëherë kokën dhe fytyra iu njom e tëra.

“Si sot, në muajin prill, 35 vjet më parë, ne u shtuam me një lule,” thotë babai i saj. “Asaj luleje ia vumë emrin Bieta, kjo lule u rrit dalëngadalë dhe ja tek është sot. Rruga që ka ndjekur në jetë ka qenë e bukur, por dhe me vështirësi dhe përpjekje që Bieta i ka përballuar me sukses.”

Gjithashtu, moderatorja u lidh përmes një videotelefonate me shtëpinë e saj, ku foli me Alban Dudushin, bashkëshortin dhe djalin, Kroi Art.

Kroi i tha vetëm dy fjalë: “Puç Kroi.” Ndërsa për të marrë vesh çfarë i tha Albani, duhet të presim sa të publikohet videoja në YouTube.