Vip Vanity

Vetëm ky korrektor i mbulon rrathët e zinj të Bebe Rexhës

Shkruar nga Anabel

9 Prill 2020

Vetëm ky korrektor i mbulon rrathët e zinj të Bebe Rexhës

Bebe Rexha, si shumë prej nesh, ka rrathë të zinj poshtë syve. Këngëtarja u shfaq e pagrimuar në një video për Vogue para se të shpjegonte rutinën e saj të kujdesit ndaj lëkurës dhe grimin e frymëzuar nga David Bowie dhe Debbie Harry.

I vetmi korrektor që i mbulon rrathët e zinj është Shape Tape Concealer nga Tarte, i cili kushton 27 dollarë.

“Këshilla ime është ta lini pak minuta pasi e shtroni dhe më pas ta përhapni,” shpjegon Bebe. “Kështu produkti hyn më në lëkurë.”

Ajo e përfundoi grimin me La Mer translucent powder, shtoi fondatinën e La Mer, bronzer nga Fenty dhe Dior dhe blush nga Kylie Cosmetics.

Fansat vlerësuan faktin që Bebe i tregoi haptazi rrathët e zinj apo fytyrën e pagrimuar. “Më në fund, një i famshëm që s’ka turp të dalë ashtu siç është,” komentoi dikush. “Bravo që tregohet e sinqertë,” tha një tjetër.

Plot të tjerë u frymëzuan nga guximi i Bebes për të treguar imperfeksionet e fytyrës. “Ka kaq shumë vetëbesim. Unë i urrej rrathët e zinj, s’dal nga shtëpia pa u lyer dhe për këtë e kanë fajin gjithë të famshmit që s’kanë asnjë grimcë pigmentimi,” shkruajti një komentuese.

Burimi: Page Six

MOS I HUMBISNI