Drake postoi në Instagram disa foto të djalit të tij dy vjeçar Adonis dhe u shpreh se mezi pret të ribashkohet me miqtë dhe familjen kur të zbuten rregullat e izolimit në shtëpi.

Sophie Brussaux, aktore filmash për të rritur, solli në jetë Adonis në tetor të 2017-s, por Drake e mbajti djalin të fshehtë deri kur publikoi albumin “Scorpion” në qershor të 2018-s. Një vit pas kësaj, në nëntor të 2019-s, Drake postoi foton e parë të të birit, por nuk tregoi fytyrën e të voglit.

Sot, reperi hapi njëherë e mirë albumin e familjes dhe i tregoi botës si duket Adonis. Gjithashtu, Drake postoi një foto familjare ku ai dhe Sophie mbajnë djalin në krahë.

“Në këto momente, është me shumë rëndësi të lidheni me dritën tuaj të brendshme. Kjo do të krijojë hapjen më të madhe. Besoni se keni fuqinë për t’ia dalë mbanë dhe për t’ia dalë mbanë qëndroni pranë njerëzve dhe gjërave që ju falin lumturi. Kur e ndjeni se s’po reshtni së menduari ose kur ndjeni frikë, përqëndrohuni te gjërat e mira. Nuk ka rëndësi ç’ka ndodhur në të kaluarën, apo ç’po ndodh tani, jeni gjithmonë të lirë të çprangoseni nga paniku dhe vuajtja. Ne jemi manifestues të fuqishëm dhe në momentin që vendosni të përqëndroheni te diçka e mirë, diçka e mirë do të bëhet realitet. Jini të vetëdijshëm, sidomos tani që na frikësojnë të tjerët dhe kini parasysh se jo gjithçka është barra juaj.

"E qeshura është ilaçi më i mirë, por lotët janë çlirim. Mos paragjykoni më. Kujtohuni se s’jeni kurrë vetëm dhe nëse kërkoni mbështetje, do t’ju mbështesin. Të gjitha varen nga synimi. Ke një zemër të madhe dhe kjo është dhurata jote më e vyer. Është e pamundur t’i kontrollosh rrethanat, por kur përqëndrohesh te mënyra si do të ndihesh, universi do të të ndihmojë. E dua shumë dhe më ka marrë malli për familjen dhe miqtë e mi. Mezi i pres ditët e gëzuara kur të mundem t’i takoj sërish. Deri atëherë, mbajini dritat ndezur,” shkroi Drake.

Në një prej fotove, Adonis, i cili bën tre vjeç në tetor, është ulur në një makinë lodër ngjitur me një arush pellushi gjigant.

Drake konfirmoi se ishte bërë baba në këngën “Emotionless.” Në tekst thuhej:

“S’po fshija tim bir nga bota/Po fshihja botën nga tim bir.”

“Lajmet e rëndësishme në jetën time s’ua jap portaleve/Ua tregoj vetëm atyre që mund t’i telefonoj.”

“Ajo s’është e dashura ime si Billie Jean/Por fëmija është i imi/Sadie më thoshte që mjafton vetëm një herë/Dhe u desh vetëm një herë/Dreqin u takuam vetëm dy hre, dy herë/Dhe të dyja herët s’ishin asgjë.”

Si dhe!

“Më dhemb shpirti/Baba beqar, e urrej kur e dëgjoj/Sfidoja prindërit e mi në çdo album/Tani kam turp t’u them që jam prind i vetëm/Gjithnjë kam dashur një familje të mirëfilltë/Doja të ishte ndryshe sepse e vuajta vetë/Por kjo është e vërteta e ashpër.”

Burimi: Cosmopolitan