Lajmi se 30 mjekë dhe infermierë shqiptarë u nisën drejt Italisë, për të ndihmuar kolegët atje në luftën kundër koronavirusit, tërhoqi vëmdendjen e media ndërkombëtare. Italianët, nuk rreshtin së falenderuari shqiptarët për gjestin fisnik, duke thënë se Europa dhe askush tjetër s'e bëri për Italinë çfarë bëri Shqipëria.
Pak minuta më parë, kryeministri Rama ka postuar në rrjetet e tij sociale, videon e një qytetari italian, që në shenjë falenderimi për dërgimin e mjekëve luan në flaut himnin shqiptar nga ballkoni i banesës së tij.
"Nuk besoj që Shqipëria ka mjaftueshëm para sa për t'i hedhur jashtë. Jam i emocionuar, është si të kesh një mik që ka euron e fundit në xhep dhe ta jep ty. Kjo është diçka shumë e bukur. Prandaj, dua të falenderoj në mënyrën time të vogël vëllezërit tanë shqiptarë, që madje nuk janë akoma as pjesë e Europës. Pastaj, më lini t'ju them se kanë një himn që është i mrekullueshëm!"- u shpreh qytetari italian.
Vieë this post on Instagram
"Kam marrë me mijëra mesazhe, që nga kryeministri, ministra e lider partish, senatorë e njerëz të sportit italian, por kur më erdhi dorë pas dore kjo video mbrëmë vonë, jam drithëruar fort!"- shkruan Rama, duke i kërkuar njerëzve ta shpërndajnë derisa falenderimet për gjestin fisnik të shkojnë tek qytetari italian.
Moderatorja e famshme, Barbara d'Urso gjatë një bisede me ish-ministrin e Brendshëm italian, Matteo Salvini falenderuan gjithashtu shqiptarët për ndihmën e dhënë kundrejt italisë dhe u shprehën se ishin të prekur nga ky gjest, që deri më tani s'e kanë parë nga shtetet e fuqishme europiane dhe jo vetëm.
Aktorja e famshme, Sharon Stone gjithashtu ndau me ndjekësit e saj në Instagram foton e famshme nga tragjedia e Otrantos në të cilën shkruante:
"30 vite më parë Italia vendosi t'i ndihmonte ata. Sot Shqipëria po dërgon mjekë dhe infermierë për të ndihmuar italianët. Faleminderit Shqipëri me gjithë zemër!"
