Festa e Sulltan Novruzit nuk është Dita e Ashures, megjithatë mund të gatuani ashure, si pjesë e traditës së bektashinjve. Receta në vijim është shkruar nga Dhurata Thanasi dhe është marrë nga udhëtimi i saj në Bejrut, vite më parë.

Shën.red. Dhurata Thanasi, administratorja e @Luga e Argjendtë, ka studiuar në Kennedy School of Government pranë Harvard University dhe ka punuar në shumë vende të botës me projekte të UNDP, WHO, UNOPS, dhe është njëkohësisht një ndër aktivistet më të njohura për edukimin e prindërve dhe fëmijëve për ushqyerjen e shëndetshme.

Përbërësit:

• 500 gr grurë ose elb
• 100 gr qiqra të zjera
• 100 gr fasule të zjera
• 500 gr oriz të pazjerë
• 3 lugë gjelle rrush pa fara
• 3 lugë arra (stika) pishe
• 8 kajsi të thata (të prera në copëza)
• 8 fiq të thatë (të prerë në copëza)
• 500 gr sheqer
• 2 lugë gjelle kanelle
• Lëkura e një portokalli (sipas dëshirës)
• Lëkura e një limoni (sipas dëshirës)
• 2 lugë uji u lëng tëndafili (sipas dëshirës)

Përgatitja:

• Një natë më parë vendosni grurin ose elbin në një tenxhere të madhe dhe mbulojeni me shumë ujë. (Dyfish ujë në krahasim me grurin).
• Vendoseni grurin një tenxhere, mbuloheni me kapak me nxehtësi të ngadaltë dhe lereni të vlojë butësisht për rreth 15 minuta.
• Fikni nxehtësinë dhe lëreni grurin të të ftohet për 3-4 orë.
• Do vini te që kokrrat e grurit janë të buta por jo të çara. Shtoni qiqrat, fasulet, orizin, frutat e thata, sheqerin, kanellën dhe ujin e trëndafilit ose portokallit, dhe lëkurën e limonit.
• Shtoni më shumë ujë të valuar për të mbuluar përbërësit nëse është e nevojshme. 
• Përzjehëni gjatë gjithë kohës me lugë druri derisa të trashet.
• Hiqeni ashuren nga nxehtësia dhe mbushni tasat për ëmbëlsirë me të ndërsa akoma eshtë e nxehtë.
• Ashuren e lemë të ftohet dhe para se ta shërbeni, zbukuroheni me farat e freskëta të shegës, arrat (stikat) e pishës, frutat e thara të prera imët dhe arrat.
• shumëkush e preferon ashuren më të hollë, disa preferojnë atë më të trashë. Nëse preferoni ashure të trashë, shtoni një ose dy lugë gjelle niseshte. Personalisht nuk e preferoj niseshtenë.