Këtë të premte, kreu i Organizatës Botërore të Shëndetit paralajmëroi të rinjtë se koronavirusi nuk i kursen, siç dëshmuan dhe të dhënat botërore; pacientët nën 50% përbëjnë një porcion domethënës të të shtruarve në spital.

“Nuk jeni të pamposhtur,” tha kreu i OBSH, Dr. tedros Ghebreyesus. “Virusi mund t’ju çojë në spital dhe mund t’ju marrë jetën.”

“Edhe nëse nuk sëmureni, zgjedhjet që bëni, vendet ku shkoni, mund t’i marrin jetën dikujt tjetër,” tha ai. “Jam shumë mirënjohës për të rinjtë që ndërgjegjësojnë publikun. Siç e kam thënë, solidariteti është arma më e fortë kundër Covid-19.”

Në momentin e shkrimit të këtij artikulli, në gjithë botën janë regjistruar 277 mijë të infektuar, 92 mijë të shëruar dhe 11 mijë të vdekur.

Në Amerikë, nga 2449 të infektuarit, 29% e pacientëve ishin të moshave nga 20 deri në 44. Rreth 5% e rasteve ishin 19 vjeç ose më të rinj.

Në Shqipëri, janë të infektuar 64 persona, shumica në gjendje të mirë shëndetësore. Dy persona janë shëruar.

Burimi: The Washington Times