Nëse jeni distancuar nga bota – dhe bëni mirë të jeni distancuar – na lejoni t’ju mësojmë diçka të vyer për ditët kur jeta të kthehet në normalitet: Si konturon Jessica Alba.

Ju duket e parëndësishme tani, por flasim kur të riktheheni në punë dhe të keni harruar ku dhe si vihet bronzeri. Fillojmë.

Jessica bën së pari gjithë rutinën e kujdesit ndaj lëkurës; serumi, hidratuesi, maskat, të gjitha i bën çdo mëngjes para se të grimohet. Më pas bën grimin e syve.

Në dallim nga çdo njeri i mundshëm, aktorja nuk nis me fondatinën, por me konturin. Ajo përdor një fondatië me ngjyrë të errët për të krijuar iluzionin e thellësisë anash hundës, nën mollëza dhe pranë rrethit të flokëve. Më pas, për t’i dhënë fytyrës ndriçim, përdor një korrektor poshtë syve, në mollëza, ballë dhe mjekër. Në sfungjer, vendos CC Cream me SPF dhe shpërhap gjithë produktet që ka vënë në fytyrë, duke nisur së pari me zonat e mbuluara me korrektor. Rezultati ngjan natyral, por jo thuajse i padukshëm.

Siç mund ta keni mësuar deri më sot, çdo produkt kremoz, ka nevojë për një pudër sipër që të qëndrojë në vend. Zonat e çelëta mbulohen me pudër të tejdukshme, konturi me bronzer. Mos harroni blush në majë të mollëzave.

Kaq ishte, më e thjeshtë s’bëhet.