Top List

‘Alo alo ambulanca’ dhe ‘Nëse vdes e re’: Një listë këngësh për koronavirusin

Shkruar nga Anabel

16 Mars 2020

‘Alo alo ambulanca’ dhe ‘Nëse vdes e re’: Një

Në momentet më të vështira, më të sikletshme, më të trishta, gjëja më terapeutike është humori. Qarkullimi është bllokuar, qyteti është bosh, njerëz po sëmuren dita ditës, kemi ngecur në shtëpi dhe ndoshta ndahemi nga partnerët me kaq shumë kohë sa po kalojmë me ta. Le të mendojmë për diçka tjetër, diçka më të lehtë.

Deni Hoxha postoi në Twitter një vepër arti. Teknikisht është një listë këngësh në Spotify, por kualifikohet si art. Quhet Albanian Corona dhe nis me “Alo Alo Ambulanca” nga Sinan Hoxha, vijon me “Je ilaç për të sëmurë” nga Ylli Baka, “Distanca” nga Gjiko dhe përfundon me “Medikament” nga Shpat Kasapi dhe “Jeta Koka Sprov” nga Gold AG. Të gjitha këngët e tjera përmidis kanë njëfarë reference ndaj sëmundjes, ilaçit, vdekjes, vuajtjes, dyshimit dhe prekjes. Siç thamë, art. E dinim që muzika shqiptare është shumë e përvuajtur, por jo kaq.

Muzikantët këndojnë për t’u lidhur shpirtërisht me dëgjuesin në situata gjithpërfshirëse. Përveç dashurisë dhe ndarjes, mesa duket, pandemia qenka goxha prezente nëpër këngë.

MOS I HUMBISNI