Mesa duket, s’ishim të vetmit që na ra në sy prezenca e tejzgjatur e Blendi Fevziut në Tiranë. Para se koronavirusi të trembte botën, gazetari nuk e shtynte dot më shumë se një javë në shtëpi. E premtja e gjente në Zelandën e Re, e hëna në mëngjes në Marok, e hëna në darkë në studion e “Opinion.”

Pikërisht prandaj u bë protagonist i memes më të famshme me temë koronavirusin. Njerëzit normalë qëndrojnë në shtëpi kur sëmuren, ndërkohë ata me koronavirus:

Nëse jeni gati të thoni që s’bëhen shaka me këto gjëra, çfarë tjetër mund të bësh përveçse të lash duart dhe të shohësh anën pozitive.

Sidoqoftë, Blendi s’e ndoqi këshillën e memes. Pak ditë më parë ishte në Gjeorgji, që ka katër raste të konfirmuara me koronavirus.  Ndoshta i hëngrën duart për të vënë një qytet përveç Tiranës si vendndodhje dhe e mori situatën në duar; i hipi avionit.