Kohëve të fundit, përflitej se Loredana ishte në një lidhje me reperin me origjinë libaneze, Zuna, i cili u bë i njohur për publikun shqiptar pas bashkëpunimeve me Azet. Thashethemet për një romancë mes tyre nisën pasi u panë shpesh në shoqërinë e njëri-tjetrit. Në një tjetër foto, Loredana dukej teksa vendoste kokën në prehërin e Zuna-s.
Në një postim në Instagram, që duket si një deklaratë e përbashkët e tyre, reperi mohoi thashethemet duke thënë:
“Uff nuk kam postuar për një kohë të gjatë. Unë dhe Loredana jemi argëtuar shumë së fundmi. Punuam bashkë dhe kaluam shumë kohë me njëri-tjetrin. Loredana është një nga artistet më të mira në Gjermani dhe unë bashkëpunoj me më të mirët!”
Në vijim, ai shtoi se “për momentin janë thjesht miq”.
“Tani jemi duke punuar bashkë. Nuk e di çfarë mund të ndodhë më vonë, por aktualisht nuk jemi të lidhur. Ajo është një nënë beqare, ndaj më shumë respekt për të.”
Zuna përmendi edhe Mozzik-un duke thënë se “nuk kanë asnjë problem mes tyre”.
“Unë s’kam ndonjë problem me Mozzik, që ta sqarojmë këtë. Askush nga ne nuk ndërhyn në punët e tjetrit. Zuna është single. Më shkruani në DM.”
