Të premten, Princ Harry dhe Jon Bon Jovi u bënë bashkë në Abbey Road Studios në Londër për të regjistruar një këngë për bamirësi. Prit, Princ Harry regjistroi një këngë për bamirësi?

Harry u pa bashkë me Bon Jovi-n në studio ku ky i fundit këndoi këngën “Unbroken” që do të mbështesë fondacionin që mbikqyr The Invictus Games – një event sportiv ndërkombëtar për ushtarakët e lënduar dhe të sëmurë. "Unbroken" u krijua për të hedhur dritë mbi veteranët e luftës që vuajnë nga stresi post traumatik.

Bon Jovi kishte një kitarë në duar, ndërsa Harry i tha një inxhinieri se janë gati për të filluar.

Ky është një nga angazhimet e fundit të Princ Harry-t, i cili do të heqë dorë nga gjithë detyrimet mbretërore muajin që vjen.

Burimi: Time