Dje mbrëma, u bë me dije se Dukës dhe Dukeshës e Sussex nuk do t’u lejohet më përdorimi i titullit “Sussex Royal,” duke qenë se hoqën dorë nga rolet e tyre brenda familjes mbretërore.
Nuk konsiderohet më e përshtatshme që çifti – që tanimë jeton në Kanada bashkë me djalin, Archie – të përdorë titullin “royal” (mbretëror) në brandin e tyre. Këtë vendim pritet ta marrin së shpejti Mbretëresha dhe zyrtarët e lartë.
Harry dhe Meghan publikuan faqen e tyre në ëeb, SussexRoyal, shkurtimisht pasi njoftuan se do të tërhiqen nga monarkia. Gjithashtu aplikuan për blerjen e të drejtave të “Sussex Royal” për ta përdorur në një sërë produktesh.
Çifti e ka kuptuar që nuk do të lejohet të përdorë titullin.
Fillimisht, ata e përdorën Sussex Royal në faqen e tyre në Instagram, kur u ndanë nga Duka dhe Dukesha e Cambridge, Ëilliam dhe Kate. Pritej që edhe organizata e tyre fitimprurëse, që do të niste të operonte në fund të vitit, të quhej Sussex Royal.
Mbrëmë, një burim tha: “Teksa Duka dhe Dukesha e Sussex do të tërhiqen nga rolet e tyre si anëtarë të familjes mbreëtror dhe do të punojnë për të qenë financiarisht të pavarur, përdorimi i termit “mbretëror” në këtë kontekst duhet rishikuar. Jemi ende në diskutime e sipër.
“Si pjesë e tranzicionit të Dukës dhe Dukeshës së Sussex në kapitullin e ri jetësor, kanë nisur planifikimet e lançimit të organizatës së tyre bamirëse. Detajet do të bëhen publike kur të vijë momenti.”
Burimi: The Telegraph
