Romeo Veshaj, i ftuar mëngjesin e sotëm në "Wake Up", u pyet në lidhje me ndarjen nga Jonida Maliqi. Edhe kësaj here, aktori i humorit nuk refuzoi të përgjigjej. Veshaj, pohoi pa menduar dy herë se ndarja nga këngëtarja ka qenë e vështirë, ashtu siç është çdo ndarje e mundshme.

"Ndarje dhe largime të bukura nuk ka, paçka se të gjithë i trajtojmë ndryshe.. Askush s'mendoj se i nis gjërat me idenë që do të përfundojnë, por jeta e tillë është. Lind vetëm, shtohesh rrugës dhe vdes vetëm. Janë gjëra që ndodhin."- u përgjigj ai, duke mos dhënë asnjë detaj tjetër.

Në fillim të këtij muaji, i ftuar në  “ThumbOn,” ai konfirmoi se marrëdhënia mes tyre kishte marrë fund, por raporti është ende miqësor.

“Nëse do ndodhë diçka në jetën time private, do jem i pari që do e shfaq. Ajo tjetra pastaj ishte e dukshme. Nuk e kam mohuar asnjë herë. Heshtja është pohim. Çfarë ka ndodhur është e shkuar, anija u mbyt. Kapiteni u mbyt me gjithë anijen. Sado ta riparosh, Titaniku nuk lundron më."- tha ai.

Romanca e dyshes zgjati pak kohë, por mjaftueshëm sa për t'u bërë publike në portale dhe rrjete sociale.