E ftuar në puntatën e parë të spektaklit "Në Kurthin e Piter Pan", ishte Elisa Spiropali. Ministrja e Shtetit për marrëdhëniet me Parlamentin u pyet nga fëmijët për çdo lloj gjëje, që nga "ç'do të thotë qumësht gjiri", e deri tek "ç'është politika".

Elisa u ndal gjatë tek fëmijët e saj dhe veçanërisht tek pjesëtari i ri i familjes që erdhi në jetë në janar të këtij viti. Spiropali zgjodhi që djalin ta quante Kren dhe përveçse është një emër shumë shqiptar, politikania bëri një lidhje tjetër të lezetshme, të cilën e tregoi sot.

"Unë kam zgjedhur që vajzës dhe djalit t'u vë emra të shkurtër që kanë kuptim shqip. Nalta- do të thotë nalt, lart dhe Kren- si shqipja me dy krena (kokë). Kështu që edhe të dy bashkë, duket sikur kanë një kuptim, pra Kre-Nalt ose "kryenalt"."- u shpreh ajo.

Emrat e zgjedhur duken si të mirëmenduar dhe në fakt bashkimi i tyre merr kuptim mjaft të veçantë. Elisa Spiropali dhe partneri i saj Salarjon Tota, janë prindër të një vogëluesheve 5-vjeçare, Nalta dhe djalit, Kren, 1 muajsh. Dyshja u martua në tetor të 2014-s dhe asokohe lidhja e tyre u bë publike vetëm një javë para se të ndodhte ceremonia e dasmës.