Shqipëria

Shqipëria rrit masat kundër koronavirusit: Ku do të ngrihen 2 karantinat?

Shkruar nga Anabel

16 Shkurt 2020

Shqipëria rrit masat kundër koronavirusit: Ku do të ngrihen 2

Deri më tani, koronavirusi i ka marrë jetën 1660 njerëzve dhe duke qenë se është shënuar viktima e parë edhe në Europë, lind nevoja për marrjen e masave paraprake në vendin tonë. Sipas Top Channel, autoritetet shëndetësore në Tiranë po disktojnë rreth vendeve më të përshtatshme për të ngritur një karantinë, në rast se identifikohen njerëz të prekur nga virusi.

Karantina është një godinë e veçuar që ngrihet për të kuruar rastet e dyshuara që janë prekur nga viruse të të tilla përmasave dhe për t'i kuruar ata larg njerëzve të tjerë. Periudha e izolimit është përcaktuar 14 ditë dhe gjatë kësaj kohe atyre do t'i ofrohen të gjitha shërbimet e nevojshme.

Edhe pse diskutimi po bëhet në nivel ekspertësh, këta të fundit kanë vendosur të mos e deklarojnë ende vendin ku do të jetë karantina. Burime për Top Channel thonë se vendet e mundshme janë dy. Pikë së pari, po planifikohet boshatisja e godinës së shërbimit infektiv në QSUT dhe pacientët do të transferohen drejt spitaleve të tjera.Ndërsa vendi i dytë ku mund të ngrihet karantina është në pjesën jugore të kryeqytetit, shumë larg zonave të banuara.

Gjithsesi, nuk dihet ende nëse godina është e pajisur me gjithë infrastrukturën dhe masat e nevojshme për të përballuar një rast rreziku.

Në Institutin  e Shëndetit Publik, kanë mbërritur ekpiet që mundësojnë analizimin e mostrave të rasteve dhe konfirmimin e diagnozës, pa patur nevojë të dërgohen në laboratorët në Gjermani.

 

MOS I HUMBISNI