Tuna dhe Patrisi nuk janë ndarë! Të paktën, kështu thotë Patrisi, gjatë intervistës "Një kafe me Labin". Ai dhe Robert Berisha folën për shumë gjëra, por sigurisht, moderatori nuk mund të mos e pyeste rreth aludimit më të bujshëm të momentit. Atë që thotë se gjërat mes çiftit nuk janë mirë!

"Patjetër që vazhdoj të jem bashkë me Tunën! Në momentin që nuk do jem do ta them publikisht. Burimet e këtyre lajmeve të jenë më të sakta. Mund të më telefonojnë pa problem për t'i dhënë informacione të sakta. E kam parë që janë marrë me mbiemra në Instagram, por mbiemrin Berisha e ka hequr menaxheri dhe ka lënë vetëm Tuna. Unë as e kisha vënë re, janë detaje banale. Uroj mos të ndahem kurrë, por nëse ndodh do ta them vetë."- u shpreh Patrisi, duke e mbyllur njëherë e mirë këtë histori.

Në fakt, zërat rreth ndarjes u shtuan kur as Patrisi dhe as Tuna nuk  e ndjekin më njëri tjetrin në Instagram, por mesa duket asgjë s'ka ndodhur. Çifti janë bashkë dhe të lumtur me djalin e tyre Tian.