KESHILLA PER BLERJET TUAJA
Bota

Epidemia më serioze nga ç’mendohej: 13 mijë raste të reja me koronavirus në Kinë

Shkruar nga Anabel

14 Shkurt 2020

Epidemia më serioze nga ç’mendohej: 13 mijë raste të

Përmasat reale të epidemisë së shkaktuar nga koronavirusi në provincën e Hubei u uënë në dyshim pasi autoritetet kineze raportuan më shumë se 13.300 raste të tjera që janë diagnostikuar në një moment të pacaktuar gjatë javëve të fundit.

Organizata Botërore e Shëndetit (OBSH) tha se rastet e deklaruara së fundi në Hubei – që çojnë numrin e të infektuarve në gjithë botën në 60 mijë – janë rezultat i kritereve të reja të numërimit nga autoritetet kineze.

Rastet ku mjekët kanë parë një infeksion në kraharor në grafi po klasifikohen si koronavirus. Më parë klasifikoheshin vetëm pacientët që ishin analizuar. Si rrjedhim i këtij sistemi numërimi, të vdekurit u shtuan me 254, duke arritur 1370 në gjithë botën që kur virusi nisi të shpërhapej. Gjithë të vdekurit, me përjashtim dy, ndodheshin në Kinë.

Përveç 13.332 rasteve të shtuara, të enjten autoritetet kineze raportuan edhe 1820 të infektuar të tjerë, diagnozën e të cilëve e konfirmuan analizat.

OBSH po punon për të mësuar më shumë mbi origjinën dhe kohëzgjatjen e epidemisë në Wuhan dhe qytete të tjera në Hubei.

Përshtatur nga The Guardian

MOS I HUMBISNI