KESHILLA PER BLERJET TUAJA
Top List

Na thoni çfarë çifti jeni, t’ju rekomandojmë një film për 14 shkurt

Shkruar nga Anabel

13 Shkurt 2020

Na thoni çfarë çifti jeni, t’ju rekomandojmë

Gjasat që mbrëmjen e 14 shkurtit ta kaloni me partnerin janë të larta, për të mos thënë që është absolutisht e sigurt. Do hani diçka, do bisedoni, do qeshni, (do ziheni), do pajtoheni dhe do uleni të shihni një film se ç’të bësh tjetër. Jeta është e mërzitshme.

Për ta zbehur sadopak këtë mërzi, vendosëm të bëjmë një listë të personalizuar në varësi të çiftit që e lexon. Një film për çdo lloj çifti.

Për çiftin e sheqerosur rekomandojmë Romeo + Juliet (1996)

Na thoni çfarë çifti jeni, t’ju rekomandojmë

Regjisori Baz Luhrmann e riktheu dramën klasike të Shekspirit edhe më romantike, edhe më të dhimbshme se më parë. Më e bukura? Në role protagoniste janë Leonardo DiCaprio dhe Claire Danes.

Për çiftin e dhënë pas kinematografisë rekomandojmë Her (2013)

Na thoni çfarë çifti jeni, t’ju rekomandojmë

Në dramën romantike me regji të Spike Jonez, protagonisti i luajtur nga Joaquin Phoenix, një burrë i vetmuar, bie në dashuri me një sistem kompjuterik të quajtur Samantha.

Për çiftin që e kalon Shën Valentinin si çdo ditë tjetër rekomandojmë Amélie (2001)

Na thoni çfarë çifti jeni, t’ju rekomandojmë

Edhe pse ka ngecur në botën e saj, Amelie, një kamariere e re, vendos t’i ndihmojë njerëzit të gjejnë lumturinë. Rrugëtimi drejt misionit e çon në derën e dashurisë së vërtetë.

Për çiftin që mezi pret të bëjë seks rekomandojmë Love (2015)

Na thoni çfarë çifti jeni, t’ju rekomandojmë

Murphy, një amerikan në Paris, përjeton një histori dashurie të ngarkuar dhe të paqëndrueshme me Electra-n. Pa ditur pasojat, ftojnë fqinjën e lezetshme në shtrat.

Për çiftin që s’i ka qejf filmat romantikë rekomandojmë Annie Hall (1977)

Na thoni çfarë çifti jeni, t’ju rekomandojmë

Mund të mos i keni qejf filmat romantike, por s’mund të mos keni qejf komedinë romantike më të mirë në botë.

Për çiftin që vërtet s’i ka fare qejf filmat romantikë rekomandojmë The Lobster (2015)

Na thoni çfarë çifti jeni, t’ju rekomandojmë

Në një të ardhme distopike, beqarët dërgohen në një hotel ku duhet të gjejnë patjetër një partner për 45 ditë, në të kundërt shndërrohen në kafshë dhe lëshohen në pyll. Është mjaftueshëm jo romantik për ju?

Për çiftin e ri rekomandojmë 500 Days of Summer (2009)

Na thoni çfarë çifti jeni, t’ju rekomandojmë

Një grua që s’beson te dashuria dhe një burrë që bie në dashuri me të. Nëse sapo jeni lidhur, do të kuptoni në keni njëfarë të ardhmeje bashkë.

Për çiftin që s’i punët mirë rekomandojmë Marriage Story (2019)

Na thoni çfarë çifti jeni, t’ju rekomandojmë

Në qendër të filmit është divorci i një çifti dhe pasojat që ka ky vendim në familjen që kanë ndërtuar bashkë dhe në jetët e tyre.

MOS I HUMBISNI