Një muaj më parë, krejt nga hiçi, Gwyneth Paltrow nxorri në treg një qiri me aromë vagine. Shkurtimisht më pas, këngëtarja Erykah Badu njoftoi se do të prodhojë një temjan me aromë vagine. Në të dyja rastet, aroma e vaginës frymëzohet nga vaginat e ideatoreve, pra Gwyneth dhe Erykah.

The Guardian pyeti një parfumier, Christopher Gordon nga Perfumer’s Studio në Los Angeles në është e mundur të prodhosh një qiri me aromë vagine; a është bërë më parë; dhe çfarë po ndodh momentalisht në botën e parfumerisë.

A mund të bësh një parfum me aromë vagine?

Sigurisht, këto aroma mund të krijohen. Kemi me mijëra materiale bazë; disa janë të shpifur, disa jashtëzakonisht të bukur, disa të lirë, disa të shtrenjtë. Duke kombinuar këto materiale mund të krijojmë çfarëdolloj arome – varet nëse duam apo jo.

Por a është aroma e vaginës e fortë mjaftueshëm për t’u shndërruar në një parfum? Si e nuhasni në rradhë të parë?

Të them të drejtën, është e gjitha një lojë marketingu. Tregu i parfumeve të njerëzve të famshëm ka qenë në rënie. Askush s’do më të blejë parfumin e një gruaje të njohur – e vetmja mënyrë për t’i shitur është duke krijuar njëfarë sensacioni. Aroma e lëkurës është lehtësisht e rikrijueshme por a i ngjan vërtet lëkurës së një njeriu specifik? Kam dyshimet e mia.

Nëse dikush porosit te ju një parfum që mban aromën e lëkurës së tyre, si do e realizonit? Do u merrnit erë?

Jo – nuk i afrohemi aq shumë klientit. Mund të përpiqeshim. Zakonisht ka një origjin – zakonisht, lëkura mban erë sapuni apo detergjenti që është përdorur së fundi. Të gjithë kanë myshqe në përbërje, prandaj i asociojmë me pastërti.

Disa myshqe janë më kafshërore, disa më kremoze, qumështore. Disa janë si lëkurë e re, disa si lëkurë e plakur. Do të merrnim parasysh materialet dhe personin e interesuar, nëse është biond apo brun, i ri apo jo dhe do të përpiqeshim të rikrijonim diçka.

Pra krijoni aromën që do të donin të mbanin këta njerëz dhe jo aromën që mbajnë vërtet?

Pikërisht.

A është bërë ndonjëherë më parë parfum me aromë vagine?

Historikisht, ka precedent. Dikur, këto aroma seksuale merreshin nga kafshët. Civet nga macja civet; myshku natyral, që tani është i ndaluar; castoreum nga kastori; dhe ambergris nga balenat. Janë të gjitha produkte me natyrë shtazore që janë përdorur në parfumeri që prej fillimit.

Si merren këto aroma?

Tani nuk i përdorim më sepse s’janë dhe aq ekologjike. Të gjitha aromat vijnë nga pjesa e poshtme e kafshëve, nga gjendrat seksuale, nga gjendrat riprodhuese. I përdorin për të shënjuar territorin.

Kastorët vriten rregullisht në Kanada dhe qeset ua marrin pasi ndodh. Ambergris nuk e di njeri çfarë është realisht por e nxjerrin balenat ose del në sipërfaqen e ujit. Nuk përdoret dot menjëherë sapo del nga balena. Duhet të pluskojë në ujë për dy vite para se të bëhet i përdorshëm.

Pra njerëzit i kanë pëlqyer këto aroma intime – të paktën për kafshët – prej vitesh?

Absolutisht. Është në zemër të parfumerisë. Ne lahemi dhe zhveshim aromën tonë natyrale. Kur vëmë parfum duam që të paktën të ketë një element të asaj aromës njerëzore. Duam të jetë karnale, por jo e pistë.

Me pak fjalë, parfumet me aromë vagine janë thjesht parfume ekstravagante?

Po. Janë thjesht parfume me një lojë marketingu pas.