Adele nuk ishte e pranishme në ceremoninë e çmimeve Oscar të dielën mbrëma, por shkoi në festën e organizuar nga Guy Oseary që ftoi edhe Jennifer Lopez, Alex Rodriguez, Kim Kardashian, Kanye West dhe të tjerë personazhe të rëndësishëm.

“Dukej kaq ndryshe – e bukur, por nuk njihej,” tha një burim për People. Adele vijon të ndjekë një regjim strikt dietik dhe ushtrimor për të qenë më e shëndetshme dhe si rrjedhim për të rënë në peshë.

Moderatorja polake, Kinga Rusin, postoi një foto përbri Adele në Instagram ku vihet re ndryshimi edhe më drastik i këngëtares.

Një tjetër burim tha për People se Adele dukej “e gjatë dhe jashtëzakonisht e bukur,” kishte “bel të ngushtë dhe forma të lakuara.”

Këngëtarja u dobësua që të ishte më e shëndetshme për të birin 3-vjeçar, Angelo.

“Rënia në peshë s’kishte kurrë synim të qenit më e dobët. Donte të ishte më e shëndetshme dhe ta trajtonte më mirë trupin e saj. Adele hoqi dorë nga alkooli dhe po ha ushqime organike. Sidoqoftë, ka filluar t’i pëlqejë mënyra si duket tani. Ka më shumë vetëbesim, vishet ndryshe dhe është më e lumtur,” u tha një muaj më parë.