Për doktorët, beteja kundër koronavirusit është beteja kundër të panjohurës. Si e sulmon trupin? Cilat janë simptomat? Kush ka më shumë shanse të sëmuret rëndë apo të vdesë? Si e kuron?
Së fundi, një ekip mjekësh në krye të luftës kundër epidemisë, në spitain Jinyintan në Ëuhan, po u përgjigjet këtyre pyetjeve.
Në revistën shkencore Lancet është publikuar një analizë e detajuar e 99 pacientëve të parë që u trajtuan në spital.
Probleme me mushkëritë
Të 99 pacientët që shkuan në spital kishin penumoni – mushkëritë ishin inflamuar dhe qeskat e vogla që transportojnë oksigjenin nga ajri në gjak u mbushen me ujë.
Simptoma të tjera:
82 kishin ethe
81 kishin kollë
31 kishin marrje fryme
11 kishin dhimbje muskujsh
9 ishin të konfuzuar
8 kishin dhimbje koke
5 kishin dhimbje fyti
Vdekjet e para
Dy pacientët e parë që humbën jetën dukeshin të shëndetshëm, por pinin duhan prej shumë vitesh dhe kjo u kishte dobësuar mushkëritë.
I pari, një burrë 61-vjeçar, kishte pneumoni të gradës së rëndë kur shkoi në spital. Mushkëritë nuk i furnizonin me oksigjen organet. Edhe pse u lidh me një pajisje që e ndihmon mushkërinë, zemra i pushoi së rrahuri.
Ai vdiq 11 ditë pasi u shtrua.
Pacientit të dytë, një burrë 69-vjeçar, gjithashtu nuk i furnizonin mushkëritë organet me oksigjen. Edhe ai u lidh me një pajisje të jashtme, por kjo s’mjaftoi. Ai vdiq nga pneumonia dhe shoku septik kur i ra tensioni.
Të paktën 11% vdesin
Deri më 25 janar, nga 99 pacientët
57 ishin ende në spital
31 u lanë të lirë
11 vdiqën
Kjo nuk do të thotë që shkalla e vdekshmërisë së sëmundjes është 11%, pasi nuk dihet ende fati i atyre në spital dhe i atyre që s’janë paraqitur në spital.
Punonjësit e marketit
Besohet se burimi i infeksionit janë kafshët e gjalla që shiteshin në marketin e Huanan. 49 nga 99 pacientët kishin lidhje të drejtpërdrejtë me marketin.
47 punonin atje, si menaxherë ose shitës
2 ishin blerës
Burrat në meso-moshë u prekën më së shumti
Shumica e 99 pacientëve ishin burra të moshës 56-67 vjeçare.
Sidoqoftë, të dhëna të sapopublikuara thonë se për çdo grua të infektuar, ka 1.2 burra të infektuar.
Ka dy shpjegime për këtë diferencë:
Burrat kanë më shumë shanse të infektohen
Burrat, për arsye shoqërore ose kulturore, mund të kenë më shumë shanse të ekspozohen ndaj virusit.
Dhe ata që ishin të sëmurë
Shumica e 99 pacientëve vuanin nga sëmundje të tjera që i bëri më të cënueshëm ndaj virusit si pasojë e sistemit të dobësuar imunitar.
40 kishin zemër të dobët ose enë gjaku të dëmtuara
12 pacientë kishin diabet
