Dukuri natyrore si tërmeti nuk mund të parashikohen, gjë që sigurisht shton ankthin dhe panikun e njerëzve. Për aq kohë sa kjo dukuri është e pashmangshme, ankthi dhe paniku nuk ndihmojnë aspak. Megjithatë njerëz të ndryshëm e përjetojnë ndryshe; disa vrapojnë si Bora Zemani dhe binjakët Veshaj.

“E kemi kapur edhe ne një tërmet në studio,” shkroi moderatorja në Instagram. “Nuk jemi aspak krenarë për reagimin krahasuar me gjithë emisionet që ishin live, pooor gjithsesi jemi si shumica e videove të njerëzve të thejshtë, që dalin me vrap nga lokalet. Ruani qetësinë njerëz, mos bëni si ne,” përfundoi Zemani me të drejtë.

Është krijuar një ide e gabuar se të vrapuarit jashtë ndërtesës është një veprim i sigurt, mirëpo lëvizja gjatë kohës së tërmetit mund të rezultojë fatale. Andaj mundohuni të ruani qetësinë. Shembulli më i mirë iluestrues, Blendi Fevziu dje (e martë, 28 janar) live në “Opinion”.

Sonila Meço në “Tempora” e menaxhoi jashtëzakonisht mirë situatën, ndonëse theksoi në Instagram që nuk e kishte aspak të lehtë sepse kishte në mendje të bijën.

Edhe Sokol Balla ishte live në transmetim në News24, ku edhe këtu situata u përballua me qetësi.

Artikuj të rekomanduar: