Përditësim/ora 22:30/ Sizmologu Rrapo Ormeni, në një lidhje direkte në Opinion në Tv Klan (via Opinion.al) tha: "Tërmeti ka qenë me një magnitudë 4.9 Rihter. Është lëkundje që ndihet, e atij niveli që kanë rënë pas 26 nëntorit. Është mangnitudë që ndihet. Tërmetet e forta kanë veçoritë e tyre, në momente të caktuara duket se vjen në shuarje, por do ketë dhe të tilla, që janë më të dallueshme se të tjerat. Nuk mund të parashikosh në mënyrë të saktë se si do të jenë pasgoditjet. Në mënyrë statistikore ato (pasgoditjet) kanë ardhur duke u ulur."
Pas goditjes së orës 21:15, është regjistruar një tjetër me magnitudë 4.1
Emergjencat Civile njoftojnë se nga komunikimi me bashkitë Durrës, Dibër, Gjirokastër, Fier, Vlorë, Shkodër dhe Lezhë nuk raportohen dëme në njerëz apo materiale deri tani.
Artikulli paraprak:
Tërmeti i orës 21:15 ka shkaktuar panik te qytetarët e Durrësit dhe Tiranës, të cilët kanë lënë shtëpinë për të qëndruar në ambiente të hapura. Referuar faqjes së Institutit të Gjeoshkencave, Energjisë, Ujit dhe Mjedisit, magnituta mësohet të jetë 4.9 e shkallës Rihter, ndërsa thellësia 7 km. Epiqendra është 3 km në veri të Bubqit.
Agjensia Kombëtare e Mbrojtjes Civile, sipas Lapsi.al, raporton se nuk janë konstatuar dëme në njerëz dhe materiale.
Në përditësim*
